O actual programa formativo ENPROGA espandíuse a noventa e nove (99) cursos básicos, dos que dezaseis (16) responden á formación regrada que se desprende da Normativa IMO desenvolvida polas distintas lexislacións marítimas nacionais que nos recoñecen e facultan como Centro Autorizado para impartir Cursos Training de acordo a STCW78/95.
Os oitenta e seis (86) cursos restantes, están claramente orientados ás máis variadas actividades produtivas e encaixan particularmente, na industria forestal, medio ambiental, do gas-petróleo (onshre/offshore) e da prestación de servizos no campo de carrexo e manipulación de pequenos, medianos e grandes volúmes ou pesos. Sen embargo polo seu deseño e flexibilidade poden axeitarse facilmente ós requisitos particulares de calquera compañía, sexa cal sexa a súa actividade, pois en todos se persegue a mellora e a boa práctica das habilidades profesionais, a seguridade persoal e colectiva, a competencia a través da capacitación profesional, o fomento da prevención de emerxencias, a fin e o cabo, a cualificación e mellora das unidades produtivas.
En tódolos casos, os nosos cursos, responden e cumpren as respectivas lexislacións e normas que lles son afíns, asi como as pautas para obte-los máis elevados niveis de calidade.